Transcription
1
Monsieur, vous estes assés informé de la pouvreté du peuple de ce lieu
2
lesquelz font bien tout ce quilz peuvent pour se maintenir soubz lobeissance
3
de sa magesté et votre. Mais ceulx de Donzère leur mandent tous les jours
4
commission pour leur porter une extreme cottization sellon leur pouvoir pour
5
lestape quest dressée là. Sil vous plaisoit leur faire ce bien de les descharger
6
de ladite cottization, vous feriés une grand aulsmone et œuvre fort charitable
7
et leur doneriés tousjours plus de moyens de ce bien garder, de quoy ilz ont
8
bien besoing. Et sil ne vous plaict dainsi le faire, vous supplye
9
très humblement commander à ceulx de Donzère ne les mettre en despant
10
et ne les constraindre que de tout le besoing ny soit. Cepandant, ilz
11
auroient moyen de recouvrer ce que monsieur de Moydieu leur doibt
12
ou dailheurs pour y satisfaire, vous offrant pour la fin de la presente monsieur de
13
Champs et moy noz très humbles et obeissant service, supplions le Createur
14
vous donner,
15
Monsieur, en parfaicte santé très heureuse et longue vie. De Taulignan, ce
16
XXVI febvrier
17
Votre très humble et obeissante
18
allyée preste à vous faire
19
très humble service
20
De ancezune.